(٤٣١٠) ابو ولید نے ابن عمر (رض) سے سوال کیا کہ مسجد میں زعفران خوشبو کی ابتدا کیسے ہوئی ؟ انھوں نے فرمایا : نبی (صلی اللہ علیہ وآلہ وسلم) مسجد میں آئے تو قبلہ کی جانب مسجد میں بلغم دیکھی، آپ (صلی اللہ علیہ وآلہ وسلم) نے فرمایا : اس کے علاوہ کوئی اچھی چیز ہونی چاہیے، ایک آدمی نے یہ بات سنی تو وہ زعفران لے کر آیا۔ اس نے اسے کھرچ دیا اور وہاں پر زعفران مل دی۔ آپ (صلی اللہ علیہ وآلہ وسلم) نے فرمایا : یہ پہلی سے زیادہ اچھی ہے، پھر لوگوں نے ایسا ہی کیا۔