(٤٣٢٣) حضرت عائشہ (رض) فرماتی ہیں کہ جب نبی (صلی اللہ علیہ وآلہ وسلم) آئے تو صحابہ کے گھروں کے دروازے مسجد کے طرف کھلتے تھے۔ آپ (صلی اللہ علیہ وآلہ وسلم) نے فرمایا : گھروں کے دروازوں کو مسجد سے تبدیل کر دو ۔ پھر آپ (صلی اللہ علیہ وآلہ وسلم) گھر چلے گئے تو لوگوں نے اس امید پر گھروں کے دروازوں کو تبدیل نہ کیا کہ شاید آپ (صلی اللہ علیہ وآلہ وسلم) رخصت دے دیں۔ پھر آپ ان کے پاس آئے اور فرمایا : ان گھروں کے دروازوں کو مسجد سے تبدیل کرو۔ میں حائضہ اور جنبی کے لیے مسجد کو حلال قرار نہیں دیتا۔