(٤٣٤٩) سعید بن مسیب فرماتے ہیں کہ حسان بن ثابت (رض) مسجد میں شعر پڑھ رہے تھے۔ حضرت عمر (رض) ان کے پاس سے گزرے تو ان کو تیز نظروں سے دیکھا اور فرمایا : کیا مسجد میں ؟ حضرت حسان بن ثابت کہنے لگے : میں اس وقت اشعار پڑھا کرتا تھا جب آپ (رض) سے بہتر موجود تھے یعنی نبی (صلی اللہ علیہ وآلہ وسلم) ۔۔۔ راوی کہتے ہیں کہ وہ ڈرے کہ یہ بات نبی (صلی اللہ علیہ وآلہ وسلم) کے ذمہ لگا دے گا۔ حضرت عمر (رض) نے ان کو اجازت دی اور چھوڑ دیا۔۔۔
(ب) حضرت حسان بن ثابت (رض) نے لوگوں سے پوچھا، ان میں ابوہریرہ (رض) بھی موجود تھے کہ میں تمہیں اللہ کی قسم دیتا ہوں کیا آپ (رض) نے رسول اللہ (صلی اللہ علیہ وآلہ وسلم) کو فرماتے ہوئے سنا کہ میری جانب سے قریش کو جواب دو ، اللہ آپ کی مدد فرمائے جبرائیل کے ذریعے۔
(ج) امام زہری (رح) فرماتے ہیں : جس طرح حضرت حسان بن ثابت اسلام اور مسلمانوں کے دفاع میں اشعار پڑھتے تھے، مسجد میں اور مسجد کے علاوہ ہر جگہ جائز ہے۔