(٤٤٠١) عبدالواحد بن ایمن فرماتے ہیں : میرے باپ نے حضرت عائشہ (رض) سے عصر کے بعد والی دو رکعتوں کے بارے میں پوچھا تو آپ نے فرمایا : قسم اس ذات کی جو مجھے مارنے والا ہے نبی (صلی اللہ علیہ وآلہ وسلم) نے ان کو اپنی وفات تک کبھی نہیں چھوڑا۔ آپ (صلی اللہ علیہ وآلہ وسلم) پر آخری وقت میں نماز پڑھنا مشکل ہوگئی تو آپ (صلی اللہ علیہ وآلہ وسلم) بیٹھ کر نماز پڑھ لیا کرتے تھے۔ راوی کہتے ہیں کہ حضرت عمر (رض) ان دو رکعت کی وجہ سے پٹائی بھی کردیتے تھے اور منع بھی کرتے۔ حضرت عائشہ (رض) فرماتی ہیں : آپ نے درست کہا، لیکن نبی (صلی اللہ علیہ وآلہ وسلم) مسجد میں نہیں پڑھتے تھے تاکہ امت پر بھاری نہ ہوجائے، آپ (صلی اللہ علیہ وآلہ وسلم) تخفیف کو پسند فرماتے تھے۔