(٤٤٧٣) بلال (رض) فرماتے ہیں کہ وہ نبی (صلی اللہ علیہ وآلہ وسلم) کے پاس صبح کی نماز کی اطلاع دینے کے لیے آئے تو حضرت عائشہ (رض) نے بلال (رض) کو کسی کام میں مصروف کردیا، وہ ان سے سوال کر رہی تھیں، یہاں تک کہ صبح اچھی طرح روشن ہوگئی۔ راوی کہتے ہیں : بلال (رض) نے اذان کہی اور اس کے بعد کان لگایا (یعنی نبی (صلی اللہ علیہ وآلہ وسلم) کے قدموں کی آواز کے لیے) لیکن آپ (صلی اللہ علیہ وآلہ وسلم) نہیں نکلے، جب آپ (صلی اللہ علیہ وآلہ وسلم) نکلے تو لوگوں کو نماز پڑھائی۔ بلال (رض) نے نبی (صلی اللہ علیہ وآلہ وسلم) کو بتایا کہ عائشہ (رض) نے ان کو کسی معاملہ میں مصروف کردیا، جس کی وجہ بہت زیادہ صبح ہوئی۔ آپ (صلی اللہ علیہ وآلہ وسلم) نے بھی آنے میں دیر کردی۔ آپ (صلی اللہ علیہ وآلہ وسلم) نے فرمایا : میں نے فجر کی رکعتیں پڑھیں۔ کہنے لگے : اے اللہ کے رسول ! آپ (صلی اللہ علیہ وآلہ وسلم) نے بہت زیادہ صبح کردی۔ آپ (صلی اللہ علیہ وآلہ وسلم) نے فرمایا : اگر میں اس سے بھی زیادہ صبح کردیتا تو ان دو رکعتوں کو خوب اچھی طرح ادا کرتا۔