(٤٤٩٥) یزید بن ابی حبیب کہتے ہیں : میں نے ابوالخیر سے سنا کہ میں نے ابو تمیم جیشانی (عبداللہ بن مالک) کو دیکھا کہ وہ مغرب کی اذان سننے کے بعد دو رکعت ادا کرتے تھے۔ میں عقبہ بن عامر جہنی کے پاس آیا اور میں نے کہا : مجھے اس بات نے تعجب میں ڈال دیا کہ ابوتمیم مغرب سے پہلے دو رکعت پڑھتے ہیں تو عقبہ (رض) نے کہا : ہم نبی (صلی اللہ علیہ وآلہ وسلم) کے دور میں پڑھا کرتے تھے تو میں نے کہا : اب آپ کو کس چیز نے روک دیا تو کہنے لگے : مصروفیت نے۔