(٤٥٠٤) ابن طاؤس اپنے والد سے نقل فرماتے ہیں کہ ابوایوب انصاری جن کے پاس نبی (صلی اللہ علیہ وآلہ وسلم) ٹھہرے تھے، وہ ابوبکر صدیق (رض) کے ساتھ غروبِ شمس کے بعد نماز سے پہلے دو رکعت نماز پڑھتے تھے اور حضرت عمر (رض) کے ساتھ نہیں پڑھیں اور حضرت عثمان (رض) کے ساتھ پڑھا کرتے تھے۔ اس بات کا تذکرہ ان کے سامنے ہوا تو وہ کہنے لگے : میں نے نبی (صلی اللہ علیہ وآلہ وسلم) کے ساتھ یہ نماز پڑھی، پھر ابوبکر صدیق (رض) کے ساتھ پڑھی اور پھر میں حضرت عمر (رض) سے جدا ہوگیا ان کے ساتھ میں نے نہیں پڑھی اور حضرت عثمان (رض) کے ساتھ یہ دو رکعت پڑھی ہیں کیونکہ وہ نرم مزاج تھے۔ حضرت عمر (رض) نہ تو خود پڑھتے تھے اور نہ ہی ان کے پڑھنے کو صحیح سمجھتے تھے۔ اس لیے ابوایوب انصاری (رض) نے بھی ان کے ساتھ نہیں پڑھیں۔
(ب) سوید بن غفلہ سے منقول ہے کہ ہم نے حضرت عمر (رض) کی خلافت میں چھوڑ دیا تھا، پھر حضرت عثمان (رض) کی خلافت میں دوبارہ شروع کردیا۔