(٤٥٥٠) ابوہریرہ (رض) فرماتے ہیں کہ نبی (صلی اللہ علیہ وآلہ وسلم) نے فرمایا : جب نماز کی اقامت کہہ دی جائے تو فرض نماز کے علاوہ کوئی نماز نہیں عرض کیا گیا : اے اللہ کے رسول ! فجر کی دو رکعتیں بھی نہیں۔ آپ (صلی اللہ علیہ وآلہ وسلم) نے فرمایا : نہیں فجر کی دو رکعتیں بھی نہیں۔
(ب) ابوہریرہ (رض) فرماتے ہیں کہ نبی (صلی اللہ علیہ وآلہ وسلم) نے فرمایا : جب نماز کی اقامت کہہ دی جائے تو فرض نماز کے علاوہ کوئی نماز نہیں مگر فجر کی دو رکعتیں۔
نوٹ : اس زیادتی کی کوئی اصل نہیں ہے۔
(ج) عمر بن خطاب (رض) سے روایت ہے کہ وہ جب کسی شخص کو دیکھتے کہ نماز پڑھ رہا ہے اور اقامت ہو رہی ہے تو اسے مارتے۔