(٤٥٦٨) ربیعہ بن کعب اسلمی فرماتے ہیں : میں نبی (صلی اللہ علیہ وآلہ وسلم) کے پاس رات گزارتا تھا اور آپ (صلی اللہ علیہ وآلہ وسلم) کے وضو اور ضرورت کے لیے پانی لاتا تھا ۔ کیونکہ آپ (صلی اللہ علیہ وآلہ وسلم) رات کا قیام کرتے تھے۔ آپ (صلی اللہ علیہ وآلہ وسلم) فرماتے تھے : میرا رب پاک ہے اس کے لیے تمام تعریفیں ہے۔ میرا رب پاک ہے اس کے لیے تمام تعریفیں ہے بہت دیر تک کہتے رہتے۔ پاک ہے میرا رب جو تمام جہانوں کو پالنے والا ہے۔ پاک ہے میرا رب جو تمام جہانوں کو پالنے والا ہے۔ زیادہ دیر تک کہتے رہتے۔ ربیعہ کہتے ہیں : نبی (صلی اللہ علیہ وآلہ وسلم) نے مجھ سے کہا : کیا آپ کو کوئی ضرورت ہے۔ میں نے کہا : اے اللہ کے رسول ! جنت میں آپ (صلی اللہ علیہ وآلہ وسلم) کا ساتھ چاہتا ہوں۔ آپ (صلی اللہ علیہ وآلہ وسلم) نے فرمایا : اس کے علاوہ۔ میں نے کہا : اے اللہ کے رسول ! جنت میں آپ (صلی اللہ علیہ وآلہ وسلم) کا ساتھ چاہتا ہوں۔ آپ (صلی اللہ علیہ وآلہ وسلم) نے فرمایا : میری مدد کرو اپنے اوپر زیادہ سجدوں کو لازم کرنے کے ساتھ۔