(٤٦٦٣) عمرو بن عبسہ فرماتے ہیں کہ میں رسول اللہ (صلی اللہ علیہ وآلہ وسلم) کے پاس آیا اور آپ (صلی اللہ علیہ وآلہ وسلم) عکاظ میں تھے۔ میں نے کہا : اے اللہ کے رسول ! کون سی دعا زیادہ قرب کا ذریعہ بنتی ہے ؟ یا کون سا وقت ہے جس میں ہم اللہ کا قرب حاصل کرسکیں یا اس کا ذکر کریں ؟ آپ (صلی اللہ علیہ وآلہ وسلم) نے فرمایا : اللہ اپنے بندے کے سب سے زیادہ قریب رات کے آخری حصہ میں ہوتے ہیں۔ اگر تو طاقت رکھے تو ان لوگوں میں سے ہوجا جو اللہ کا ذکر اس گھڑی کرتے ہیں۔
(ب) عمرو بن عبسہ ایک دوسری روایت میں فرماتے ہیں کہ میں نے کہا : اے اللہ کے رسول ! رات کے کس حصہ میں دعا زیادہ قبول ہوتی ہے ؟ آپ (صلی اللہ علیہ وآلہ وسلم) نے فرمایا : رات کے آخری حصہ میں۔