(٤٦٨٨) شقیق فرماتے ہیں کہ ایک شخص آیا جس کو نھیک بن سنان کہا جاتا تھا، اس نے کہا : اے ابو عبدالرحمن ! آپ اس آیت کو کیسے پڑھتے ہیں : { مِنْ مَائٍ غَیْرِ آسِنٍ } [محمد : ١٥] ’ یا ‘ کے ساتھ یا ’ الف ‘ کے ساتھ ؟ انھوں نے فرمایا : کیا تم نے اس کے علاوہ پورے قرآن کو سمجھ لیا ہے ؟ وہ کہنے لگا : میں نو مفصل سورتیں ایک رکعت میں پڑھ لیتا ہوں۔ عبداللہ کہنے لگے : یہ تو اشعار پڑھنے کے مانند ہوا، کیونکہ بہترین نماز تو زیادہ رکوع اور سجود والی ہے۔ لوگ قرآن کی تلاوت کریں گے قرآن ان کے حلقوں سے نیچے نہیں اترے گا، لیکن جب اس کی تلاوت کی جائے گی تو وہ دلوں میں راسخ ہوگا اور نفع دے گا۔ میں جانتا ہوں جو ایک جیسی سورتیں نبی (صلی اللہ علیہ وآلہ وسلم) ایک رکعت میں پڑھا کرتے تھے۔ پھر کھڑے ہوئے اور چلے گئے۔ علقمہ آئے تو ہم نے کہا : علقمہ جاؤ اور (نظائر) ایک جیسی سورتیں جو نبی (صلی اللہ علیہ وآلہ وسلم) ایک رکعت میں پڑھا کرتے تھے ان کے متعلق عبداللہ سے سوال کرو۔ علقمہ نے سوال کیا تو انھوں نے کہا : مفصل کی ابتدائی بیس سورتیں۔
(ب) افضل نماز وہ ہے جس میں رکوع و سجود زیادہ ہوں۔