(٤٧١٣) یعلی بن مملک نے ام سلمہ (رض) سے نبی (صلی اللہ علیہ وآلہ وسلم) کی قرأت اور رات کی نماز کے متعلق سوال کیا تو انھوں نے فرمایا : پھر تمہیں آپ کی نماز اور قراءت سے کیا نسبت ۔ آپ (صلی اللہ علیہ وآلہ وسلم) نماز پڑھتے، پھر اتنی دیر سو جاتے جتنی دیر نماز پڑھتے۔ پھر اتنی دیر نماز پڑھتے جتنی دیر سوتے، پھر سو جاتے اتنا وقت جتنی دیر نماز پڑھتے۔ یہاں تک کہ صبح ہوجاتی۔ ام سلمہ (رض) نے آپ (صلی اللہ علیہ وآلہ وسلم) کی قرأت کا طریقہ بیان فرمایا کہ رسول اللہ (صلی اللہ علیہ وآلہ وسلم) کی قرأت حرف، حرف ہوتی تھی (یعنی ایک ایک حرف سمجھ آتا تھا) ۔