(٤٧٦٣) ابو سعید خدری (رض) فرماتے ہیں کہ مجھے قتادہ بن لقمان نے بتایا کہ ایک شخص نے نبی (صلی اللہ علیہ وآلہ وسلم) کے دور میں قیام کیا تو اس نے { قُلْ ہُوَ اللَّہُ أَحَدٌ} ” کہہ دیجیے اللہ ایک ہے “ بار بار پڑھا۔ اس سے زائد کچھ نہیں پڑھا۔ راوی کہتے ہیں : جب ہم نے صبح کی تو ایک شخص نے رسول اللہ (صلی اللہ علیہ وآلہ وسلم) سے کہا : اے اللہ کے رسول ! ایک شخص نے رات کے قیام میں { قُلْ ہُوَ اللَّہُ أَحَدٌ اللَّہُ الصَّمَدُ لَمْ یَلِدْ وَلَمْ یُولَدْ وَلَمْ یَکُنْ لَہُ کُفُوًا أَحَدٌ} ” کہہ دیجیے اللہ ایک ہے، اللہ بےنیاز ہے، نہ اس نے کسی کو جنا اور نہ وہ جنم دیا گیا اور اس کا کوئی ہمسر بھی نہیں “ بار بار اسی کو دہراتا رہا اس کے علاوہ کچھ نہیں پڑھا۔ گویا وہ شخص اس سورت کو کم سمجھ رہا تھا۔ رسول اللہ (صلی اللہ علیہ وآلہ وسلم) نے فرمایا : قسم ہے اس ذات کی جس کے قبضہ میں میری جان ہے یہ سورت قرآن کے تہائی حصہ کے برابر ہے۔