(٤٨٤٦) ابی جمرہ فرماتے ہیں کہ میں نے ابن عباس (رض) سے نقض وتر کے بارے میں سوال کیا تو انھوں نے فرمایا : جب آپ رات کے ابتدائی حصہ میں وتر پڑھ لیں تو آخری حصہ میں وتر نہ پڑھیں اور جب رات کے آخر میں وتر پڑھ لو تو ابتدا میں وتر نہ پڑھو۔ میں نے عائد بن عمرو سے وتر کو توڑنے کے متعلق سوال کیا جو نبی (صلی اللہ علیہ وآلہ وسلم) کے صحابہ میں سے تھے وہ فرمانے لگے : جب آپ رات کے شروع میں وتر پڑھ لیں تو رات کے آخری حصہ میں نہ پڑھیں۔ جب رات کے آخری حصہ میں وتر پڑھ لیں تو ابتدائی حصہ میں نہ پڑھیں۔