(٤٨٩) سیدنا ابوہریرہ (رض) سے روایت ہے کہ نبی (صلی اللہ علیہ وآلہ وسلم) نے زخم کی وجہ سے کھڑے ہو کر پیشاب کیا جو آپ (صلی اللہ علیہ وآلہ وسلم) کے گھٹنوں میں تھا۔
(ب) امام احمد (رح) فرماتے ہیں کہ ایک قول یہ ہے کہ اہل عرب کمر کی تکلیف سے شفا کے لیے کھڑے ہو کر پیشاب کرتے تھے ممکن ہے کہ آپ (صلی اللہ علیہ وآلہ وسلم) کو بھی یہ تکلیف ہو۔ امام شافعی (رح) نے اس کے یہی معنی بیان کیے ہیں۔ ایک قول یہ بھی ہے کہ آپ (صلی اللہ علیہ وآلہ وسلم) نے ایسا اس لیے کیا کہ وہاں بیٹھنے کے لیے کوئی جگہ نہ تھی۔ واللہ اعلم