(٤٩١٥) عاصم بن ضمرہ فرماتے ہیں : میں نے حضرت علی (رض) سے نبی (صلی اللہ علیہ وآلہ وسلم) کے دن کے نفلوں کے بارے میں سوال کیا تو انھوں نے فرمایا : تم میں سے کون اس کی طاقت رکھتا ہے، ہم نے کہا : ہم اتنا کریں گے جتنی طاقت رکھیں گے۔ وہ کہنے لگے : آپ (صلی اللہ علیہ وآلہ وسلم) رک جاتے جب تک سورج مشرق کی جانب سے اس حالت پر نہ آجاتا جیسے عصر کے وقت مغرب کی جانب سے ہوتا ہے، پھر آپ (صلی اللہ علیہ وآلہ وسلم) دو رکعات ادا کرتے۔ پھر رک جاتے یہاں تک کہ سورج بلند ہوجاتا اور مکمل ٹکیا بن جاتی اور اس کی وہ حالت ہوجاتی جو مشرق سے مغرب کی جانب آتے ہوئے ہوتی ہے۔ پھر ظہر کے وقت کھڑے ہو کر چار رکعات ادا کرتے اور ہر دو رکعتوں کے درمیان سلام کے ساتھ فاصلہ کرتے اور مقرب فرشتوں، انبیاء اور ان کے پیروکار مومنوں اور مسلمانوں کے لیے سلامتی کی دعا کرتے۔ پھر سورج کے ڈھل جانے تک رک جاتے، پھر ظہر سے پہلے چار رکعات پڑھتے۔ ان میں ایسے ہی فاصلہ کرتے۔ پھر ظہر کی نماز پڑھتے، پھر اس کے بعد دو رکعات ادا کرتے، پھر عصر سے پہلے چار رکعات ادا فرماتے، ان میں بھی اسی طرح فاصلہ کرتے، پھر انھوں نے مکمل حدیث ذکر کی۔ یہ سولہ رکعات نبی (صلی اللہ علیہ وآلہ وسلم) کے دن کے نفل تھے۔ ان پر ہمیشگی نہیں ہوتی ہے۔