(٥٠٨٢) (الف) عائشہ (رض) فرماتی ہیں کہ نبی (صلی اللہ علیہ وآلہ وسلم) نے اپنی بیماری کے ایام میں ابوبکر (رض) کو حکم دیا کہ وہ لوگوں کو نماز پڑھائیں۔ چنانچہ آپ (رض) لوگوں کو نماز پڑھاتے رہے۔ عروہ فرماتے ہیں کہ رسول اللہ (صلی اللہ علیہ وآلہ وسلم) نے کچھ آرام محسوس کیا تو آپ (صلی اللہ علیہ وآلہ وسلم) نکلے اور ابوبکر (رض) لوگوں کی امامت کروا رہے تھے۔ جب ابوبکر (رض) نے دیکھا تو پیچھے ہٹے، لیکن نبی (صلی اللہ علیہ وآلہ وسلم) نے اشارہ کیا کہ جیسے ہو ویسے ہی رہو۔ نبی (صلی اللہ علیہ وآلہ وسلم) ابوبکر (رض) کے ساتھ پہلو میں بیٹھ گئے۔ ابوبکر (رض) نبی (صلی اللہ علیہ وآلہ وسلم) کی نماز کے ساتھ نماز پڑھ رہے تھے اور لوگ ابوبکر (رض) کی نماز کے ساتھ نماز پڑھ رہے تھے۔
(ب) تمام روایات میں یہی ہے کہ نبی (صلی اللہ علیہ وآلہ وسلم) امام تھے اور ابوبکر (رض) اور تمام لوگ مقتدی اور ایک روایت میں ہے کہ امام ابوبکر (رض) تھے اور نبی (صلی اللہ علیہ وآلہ وسلم) نے ان کے پیچھے نماز پڑھی۔