(٥١٠٠) جابر بن عبداللہ (رض) فرماتے ہیں کہ معاذ (رض) نبی (صلی اللہ علیہ وآلہ وسلم) کے ساتھ عشا کی نماز پڑھتے، پھر بنو سلمہ کو جا کر عشا کی نماز پڑھاتے۔ راوی کہتے ہیں : ایک دن نبی نے عشا کی نماز مؤخر کردی، معاذ (رض) نے نبی (صلی اللہ علیہ وآلہ وسلم) کے ساتھ نماز پڑھی، پھر انھوں نے واپس آ کر اپنی قوم کی امامت کروائی اور اس میں سو رہ بقرہ پڑھی۔ ایک شخص نے الگ ہو کر نماز پڑھ لی۔ انھوں نے کہا : کیا تو منافق ہوگیا ہے ؟ کہنے لگا : نہیں میں نبی (صلی اللہ علیہ وآلہ وسلم) کے پاس جاؤں گا اور جا کر عرض کیا : اے اللہ کے رسول ! آپ (صلی اللہ علیہ وآلہ وسلم) نے نماز میں تاخیر کی اور معاذ (رض) نے آپ کے ساتھ نماز پڑھی۔ پھر واپس آ کر ہماری امامت کروائی اور اس نے سو رہ بقرہ شروع کردی، جب میں نے دیکھا تو پیچھے ہٹ گیا اور الگ نماز پڑھ لی، ہم تو پانی بھرنے والے ہیں اپنے ہاتھوں سے کام کرتے ہیں۔ نبی (صلی اللہ علیہ وآلہ وسلم) معاذ کی طرف متوجہ ہوئے اور فرمایا : اے معاذ ! کیا تو فتنہ باز ہے، اے معاذ کیا تو فتنہ باز ہے ! فلاں فلاں سورت پڑھا کرو۔