(٥١٣٩) عمرو بن سلمہ فرماتے ہیں کہ میری قوم نبی (صلی اللہ علیہ وآلہ وسلم) کے پاس آئی۔ جب انھوں نے قرآن پڑھ لیا اور اپنی ضروریات کو پورا کرلیا تو انھوں نے سوال کیا کہ ان کی امامت کون کروائے ؟ آپ (صلی اللہ علیہ وآلہ وسلم) نے فرمایا : جو قرآن زیادہ یاد کیے ہوئے ہو۔ جب وہ واپس قوم میں آئے تو انھوں نے اس کے بارے میں سوال کیا، لیکن مجھ سے زیادہ قرآن کسی کو بھی یاد نہیں تھا۔ انھوں نے مجھے آگے کردیا اور میں بچہ تھا، میں ان کو نماز پڑھاتا، جب بھی کوئی مجلس ہوتی تو میں ان کا امام ہوتا تھا۔