(٥١٤٩) عائشہ (رض) فرماتی ہیں کہ جب رسول اللہ (صلی اللہ علیہ وآلہ وسلم) بیمار ہوئے، جس میں آپ (صلی اللہ علیہ وآلہ وسلم) فوت ہوئے تو بلال (رض) آئے اور آپ (صلی اللہ علیہ وآلہ وسلم) کو نماز کی اطلاع دی۔ آپ (صلی اللہ علیہ وآلہ وسلم) نے فرمایا : ابوبکر کو حکم دو کہ وہ لوگوں کو نماز پڑھائیں۔ میں نے کہا : ابوبکر (رض) نرم دل ہیں، اگر وہ آپ (صلی اللہ علیہ وآلہ وسلم) کی جگہ کھڑے ہوئے تو روئیں گے اور قرات نہیں کرسکیں گے، آپ (صلی اللہ علیہ وآلہ وسلم) نے فرمایا : ابوبکر کو حکم دو ، تیسری یا چوتھی مرتبہ فرمایا : تم یوسف کی عورتوں طرح ہو، ابوبکر کو حکم دو وہ لوگوں کو نماز پڑھائیں۔ ابوبکر (رض) لوگوں کو نماز پڑھا رہے تھے کہ رسول اللہ (صلی اللہ علیہ وآلہ وسلم) دو آدمیوں کے سہارے نکلے گویا میں دیکھ رہی ہوں کہ آپ (صلی اللہ علیہ وآلہ وسلم) کے پاؤں کی وجہ سے زمین پر لکیریں بن رہی تھیں۔ جب ابوبکر (رض) نے دیکھا تو پیچھے ہٹنا شروع ہوئے آپ (صلی اللہ علیہ وآلہ وسلم) نے اشارہ کیا کہ نماز پڑھاؤ۔ ابوبکر کھڑے تھے اور نبی (صلی اللہ علیہ وآلہ وسلم) ابوبکر کے پہلو میں بیٹھ گئے۔ آپ (صلی اللہ علیہ وآلہ وسلم) نماز پڑھا رہے اور آپ (صلی اللہ علیہ وآلہ وسلم) کی آواز ابوبکر (رض) لوگوں تک پہنچا رہے تھے۔