(٥١٥١) جابر بن عبداللہ فرماتے ہیں کہ میں نبی (صلی اللہ علیہ وآلہ وسلم) کے ساتھ ایک سفر میں تھا۔ ہم پانی کے گھاٹ پر پہنچے تو آپ (صلی اللہ علیہ وآلہ وسلم) نے فرمایا : اے جابر ! پانی پیو گے ؟ میں نے کہا : کیوں نہیں۔ رسول اللہ (صلی اللہ علیہ وآلہ وسلم) اترے اور میں نے پانی پیا، فرماتے ہیں کہ آپ (صلی اللہ علیہ وآلہ وسلم) اپنے حاجت کے لیے چلے گئے تو میں نے آپ (صلی اللہ علیہ وآلہ وسلم) کے لیے وضو کا پانی رکھا، آپ (صلی اللہ علیہ وآلہ وسلم) نے وضو کیا۔ پھر آپ (صلی اللہ علیہ وآلہ وسلم) نے کھڑے ہو کر ایک کپڑے میں جس کے دونوں کنارے مخالف تھے نماز پڑھی، میں آپ (صلی اللہ علیہ وآلہ وسلم) کے پیچھے کھڑا ہوگیا۔ آپ (صلی اللہ علیہ وآلہ وسلم) نے میرے کان سے پکڑ کر مجھے اپنی دائیں جانب کرلیا۔