(٥٢٤) سیدنا ابوہریرہ (رض) ، نبی (صلی اللہ علیہ وآلہ وسلم) کے وضو اور قضائے حاجت کے لیے پانی کا برتن آپ کے پیچھے لے جاتے تھے، آپ (صلی اللہ علیہ وآلہ وسلم) نے ان کو ایک دن پایا تو پوچھا : کون ہے ؟ انھوں نے کہا : میں ابو ہریرۃ۔ آپ (صلی اللہ علیہ وآلہ وسلم) نے فرمایا : میرے لیے پتھر تلاش کرو تاکہ میں استنجا کروں اور میرے پاس ہڈی اور گوبر نہ لانا۔ میں اپنے کپڑوں میں دو پتھر لایا وہ میں نے آپ (صلی اللہ علیہ وآلہ وسلم) کے پہلو میں رکھ دیے یہاں تک کہ آپ (صلی اللہ علیہ وآلہ وسلم) فارغ ہوگئے اور کھڑے ہوئے اور میں آپ (صلی اللہ علیہ وآلہ وسلم) کے پیچھے رہا۔
میں نے کہا : اے اللہ کے رسول ! ہڈی اور گوبر کا کیا معاملہ ہے ؟
آپ (صلی اللہ علیہ وآلہ وسلم) نے فرمایا : میرے پاس نصیبین کا وفد آیا، انھوں نے سے زاد راہ کا سوال کیا، میں نے ان کے لیے اللہ سے دعا کی کہ وہ جس گوبر اور ہڈی کے پاس سے گزریں اس پر کھانا پائیں۔