(٥٢٣٩) (الف) عمرہ حضرت عائشہ (رض) سے نقل فرماتی ہیں کہ نبی (صلی اللہ علیہ وآلہ وسلم) اپنے حجرے میں نماز پڑھتے تھے اور حجرے کی دیوار چھوٹی تھی۔ لوگوں نے آپ (صلی اللہ علیہ وآلہ وسلم) کے قیام کو دیکھا تو انھوں نے بھی نبی (صلی اللہ علیہ وآلہ وسلم) کے ساتھ قیام شروع کردیا، صبح کے وقت اس کے بارے میں باتیں کرتے رہے۔ دوسری رات نبی (صلی اللہ علیہ وآلہ وسلم) نے قیام کیا تو لوگوں نے بھی آپ (صلی اللہ علیہ وآلہ وسلم) کے ساتھ نماز پڑھی۔ انھوں نے دو یا تین راتیں ایسا کیا۔ اس کے بعد رسول اللہ (صلی اللہ علیہ وآلہ وسلم) نہیں نکلے۔ صبح کے وقت لوگوں نے تذکرہ کیا تو آپ (صلی اللہ علیہ وآلہ وسلم) نے فرمایا : میں ڈر گیا تھا کہ کہیں رات کی نماز تمہارے اوپر فرض نہ کردی جائے۔
(ب) زید بن ثابت کی حدیث دلالت کرتی ہے کہ حجرہ مسجد میں تھا۔