(٥٣٧٩) یعلیٰ بن امیہ کہتے ہیں : میں نے حضرت عمر (رض) سے کہا : لوگ آج بھی نماز قصر کرتے ہیں حالانکہ اللہ کا فرمان ہے : {إِنْ خِفْتُمْ أَنْ یَفْتِنَکُمُ الَّذِینَ کَفَرُوا } [النساء : ١٠١] اگر تمہیں خوف ہو کہ کافر لوگ تمہیں فتنہ میں ڈال دیں گے “۔ خوف تو ختم ہوچکا۔ آپ نے فرمایا : میں نے بھی اس بات سے تعجب کیا تھا جس طرح تو نے تعجب کیا ہے۔ میں نے یہ بات نبی (صلی اللہ علیہ وآلہ وسلم) سے ذکر کی تو آپ (صلی اللہ علیہ وآلہ وسلم) نے فرمایا : یہ اللہ کا صدقہ ہے جو اللہ نے تم پر کیا ہے تو اللہ کے صدقہ کو قبول کرو۔