(٥٤٠٦) (الف) ابو صالح ابو سعید سے نقل فرماتے ہیں کہ رسول اللہ (صلی اللہ علیہ وآلہ وسلم) نے فرمایا : عورت تین دن یا زیادہ کا سفر اپنے باپ ‘ بیٹا ‘ بھائی ‘ خاوند یا محرم کے بغیر نہیں کرسکتی ۔
(ب) ابو نعیم کی روایت میں ہے کہ اپنے خاوند ‘ باپ ‘ بھائی ‘ اور محرم کے ساتھ کرسکتی ہے۔
(ج) اعمش کی روایت میں ہے کہ سفر تین دن کا ہو یا زیادہ کا ۔
(د) قذعۃ بن یحییٰ ابو سعید سے نقل فرماتے ہیں کہ تین دن سے زیادہ اور ایک روایت میں دو دن سے زیادہ ہے۔ ابوہریرہ (رض) نبی (صلی اللہ علیہ وآلہ وسلم) سے نقل فرماتے ہیں کہ دن اور رات اور بعض روایات میں ایک دن اور بعض میں ایک رات کا ذکر ہے۔