(٥٥١٩) اسماعیل بن عبد الرحمن بن ذویب فرماتے ہیں : میں ابن عمر (رض) کے ساتھ تھا ، جب سورج غائب ہوگیا تو ہم نے ان سے کہنا شروع کردیا کہ نماز کے لیے کھڑے ہوں۔ جب افق کی سفیدی چلی گئی اور شام کا اندھیرا چھا گیا تو اترے اور تین اور دو رکعات پڑھیں۔ پھر ہماری طرف متوجہ ہوئے اور فرمایا : اسی طرح میں نے نبی (صلی اللہ علیہ وآلہ وسلم) کو کرتے دیکھا ہے۔
امام شافعی (رح) کی حدیث ہے کہ ہم ابن عمر (رض) کے ساتھ چراگاہ کی طرف نکلے تو سورج غروب ہوگیا۔ ہم انھیں سمجھا رہے تھے کہ اترو اور نماز پڑھو۔ جب کناروں کی سفیدی اور عشا کا اندھیرا ختم ہوا تو وہ اترے اور تین رکعات ادا کیں اور سلام پھیردیا، پھر دو رکعات ادا کیں اور سلام پھیردیا۔ پھر ہماری طرف مڑے اور فرمایا : میں نے رسول اللہ (صلی اللہ علیہ وآلہ وسلم) کو اس طرح کرتے دیکھا ہے۔