(٥٦٢) مقداد بن اسود سے روایت ہے کہ سیدنا علی بن ابی طالب (رض) نے مجھے حکم دیا کہ ہم میں سے کسی کے بارے میں رسول اللہ (صلی اللہ علیہ وآلہ وسلم) سے سوال کروں کہ جب مذی خارج ہو تو اس پر کیا ہے ؟ اس لیے کہ میرے پاس آپ (صلی اللہ علیہ وآلہ وسلم) کی بیٹی ہے اور میں سوال کرنے سے حیا کرتا ہوں۔ مقداد نے کہا : میں نے آپ (صلی اللہ علیہ وآلہ وسلم) سے سوال کیا تو آپ (صلی اللہ علیہ وآلہ وسلم) نے فرمایا : ” جب کوئی یہ (مذی) پائے تو اپنی شرمگاہ کو دھوئے اور نماز جیسا وضو کرلے۔ “
(ب) سیدنا ابن عباس (رض) سے یہ روایت موصولاً منقول ہے۔