(٥٧٠٤) ابو عبید کعب بن عجرہ سے نقل فرماتے ہیں کہ وہ مسجد میں داخل ہوئے اور عبد الرحمن بن حکم بیٹھ کر خطبہ دے رہاتھا۔ فرمانے لگے : دیکھو اس خبیث کی طرف بیٹھ کر خطبہ دیتا ہے حالانکہ اللہ فرماتے ہیں :{ وَإِذَا رَأَوْا تِجَارَۃً أَوْ لَہْوًا انْفَضُّوا إِلَیْہَا وَتَرَکُوکَ قَائِمًا } [الجمعۃ : ١١] اور جب انھوں نے تجارتی قافلہ دیکھا یا کھیل تو اس کی طرف چل دیے اور انھوں نے آپ (صلی اللہ علیہ وآلہ وسلم) کو کھڑا ہوا چھوڑدیا۔