(٥٧٧) زر بن حبیش (رض) فرماتے ہیں کہ میں صفوان بن عسال مرادی کے پاس آیا، میں نے کہا : قضائے حاجت اور پیشاب کرنے کے بعد موزوں پر مسح کرنے کے متعلق میرے دل میں بات کھٹک رہی ہے اور آپ صحابی ہیں، میں آپ کے پاس یہ پوچھنے آیا ہوں اس بارے میں رسول اللہ (صلی اللہ علیہ وآلہ وسلم) سے کوئی بات سنی ہے تو انھوں نے فرمایا : جی ہاں آپ (صلی اللہ علیہ وآلہ وسلم) ہمیں حکم دیا کرتے تھے کہ جب ہم مسافر ہوں تو تین دن اور تین راتیں اپنے موزوں کو نہ اتاریں سوائے جنابت کے اور قضائے حاجت، پیشاب اور نیند سے نہ اتاریں۔