(٥٨٠٦) نبی ط بن شریط فرماتے ہیں : میں سواری کی پشت پر اپنے والد کے پیچھے تھا۔ نبی (صلی اللہ علیہ وآلہ وسلم) جمرہ کے پاس خطبہ ارشاد فرما رہے تھے، آپ (صلی اللہ علیہ وآلہ وسلم) نے فرمایا : الحمد للہ نحمدہ ونستعینہ ونستففرہ واشھدان لا الہ الا اللہ وان محمداً عبدہ ورسولہ ” تمام تعریفیں اللہ کے لیے ہیں ہم اس کی تعریف کرتے ہیں اور ہم اسی سے مدد طلب کرتے ہیں اور بخشش طلب کرتے ہیں اور میں گواہی دیتا ہوں کہ اللہ کے سوا کوئی مبعود نہیں اور محمد (صلی اللہ علیہ وآلہ وسلم) اللہ کے بندے اور رسول ہیں۔ “
میں تمہیں اللہ کے خوف کی وصیت کرتا ہوں۔ کون سا دن سب سے زیادہ حرمت والا ہے ؟ صحابہ نے جواب دیا : یہی دن۔ آپ (صلی اللہ علیہ وآلہ وسلم) نے پوچھا : کون سا مہینہ زیادہ حرمت والا ہے ؟ صحابہ نے جواب دیا : یہی مہینہ زیادہ حرمت والا ہے۔ آپ (صلی اللہ علیہ وآلہ وسلم) نے پوچھا : کون سا شہر زیادہ حرمت والا ہے ؟ صحابہ کرام (رض) نے جواب دیا : یہی شہر۔ آپ (صلی اللہ علیہ وآلہ وسلم) نے فرمایا : تمہارے خون اور مال تمہارے آپس میں اوپر ایسے ہی حرام ہیں جیسے تمہارے اس دن، مہینہ اور شہر کی حرمت ہے۔