(٥٨١٦) عیاض بن عبداللہ فرماتے ہیں کہ میں نے ابو سعید خدری (رض) کو دیکھا ، وہ آئے اور مروان خطبہ دے رہے تھے۔ ابوسعید (رض) کھڑے ہوئے اور دو رکعات پڑھیں تو ان کے پاس شاہی محافظ آئے تاکہ ان کو بٹھائیں۔ انھوں نے انکار کردیا۔ یہاں تک کہ دو رکعات اداکیں۔ جب ہم نے نماز پوری کرلی تو ہم ان کے پاس آئے اور کہا : اے ابو سعید ! قریب تھا کہ وہ آپ کو تکلیف دیتے۔ فرمانے لگے : میں نے جو نبی (صلی اللہ علیہ وآلہ وسلم) سے دیکھا ہے میں اس کو کبھی نہ چھوڑوں گا۔ میں نے نبی (صلی اللہ علیہ وآلہ وسلم) کو دیکھا کہ ایک شخص مسجد میں داخل ہوا، پراگندہ حالت والا اور آپ (صلی اللہ علیہ وآلہ وسلم) خطبہ ارشاد فرما رہے تھے۔ آپ (صلی اللہ علیہ وآلہ وسلم) نے پوچھا : کیا تو نے نماز پڑھی ہے ؟ اس نے کہا : نہیں : تو آپ (صلی اللہ علیہ وآلہ وسلم) نے فرمایا : دو رکعت پڑھو۔ راوی کہتے ہیں : پھر نبی (صلی اللہ علیہ وآلہ وسلم) نے لوگوں کو صدقہ پر ابھارا تو اس نے ایک کپڑا دے دیا، نبی (صلی اللہ علیہ وآلہ وسلم) نے بلند آواز سے فرمایا : اسے لے لو۔ اس نے لے لیا۔ پھر رسول اللہ (صلی اللہ علیہ وآلہ وسلم) نے فرمایا : اس کی طرف دیکھو پچھلے جمعہ پراگندہ حالت میں آیا تو میں نے لوگوں کو صدقہ کے لیے فرمایا۔ لوگوں نے کپڑے دیے۔ ان کپڑوں سے دو کپڑے میں نے اس کو دے دیے۔ اس جمعہ آیا ہے تو میں نے لوگوں کو صدقہ کا حکم دیاتو اس نے ان دو کپڑوں میں سے ایک کو صدقہ میں دے دیا۔