(٥٨٣٢) عطاء بن یسار ابو ذر (رض) سے فرماتے ہیں کہ میں جمعہ کے دن مسجد میں داخل ہوا اور نبی (صلی اللہ علیہ وآلہ وسلم) خطبہ ارشاد فرما رہے تھے۔ میں أبی بن کعب کے پاس بیٹھ گیا تو نبی (صلی اللہ علیہ وآلہ وسلم) نے سو رہ برأت پڑھی ۔ میں نے أبی سے پوچھا : یہ سورة کب نازل ہوئی ؟ وہ خاموش رہے اور مجھ سے کلام نہ کیا۔ جب نبی (صلی اللہ علیہ وآلہ وسلم) نے اپنی نماز پوری کی تو میں نے ابی (رض) سے پوچھا : میں نے آپ سے سوال کیا تو آپ نے مجھے پیچھے کردیا اور مجھ سے بات نہیں کی۔ ابی بن کعب (رض) نے فرمایا : تیری نماز سے صرف جو فضول بات آپ نے کی یہی ملے گی۔ میں نبی (صلی اللہ علیہ وآلہ وسلم) کے پاس گیا ۔ میں نے کہا : اے اللہ کی نبی ! میں أبی بن کعب کے پہلو میں بیٹھا ہوا تھا اور آپ (صلی اللہ علیہ وآلہ وسلم) سو رہ برأت پڑھ رہے تھے ۔ میں نے أبی بن کعب سے پوچھا : یہ سو رہ کب نازل ہوئی ؟ اس نے مجھے پیچھے ہٹا دیا اور کلام نہیں کی۔ پھر کہنے لگے : تیری نماز میں سے صرف فضول بات تیرے حصہ میں آئے گی تو نبی (صلی اللہ علیہ وآلہ وسلم) نے فرمایا : أبی بن کعب نے سچ کہا ہے۔