(٥٨٩١) ابو واقدلیثی فرماتے ہیں کہ رسول اللہ (صلی اللہ علیہ وآلہ وسلم) ہمارے درمیان مسجد میں بیٹھے ہوئے تھے اور لوگ بھی آپ (صلی اللہ علیہ وآلہ وسلم) کے ساتھ تھے۔ اچانک تین آدمیوں کا گروہ آیا۔ دو نبی (صلی اللہ علیہ وآلہ وسلم) کے پاس آگئے اور ایک چلا گیا۔ جو دو آدمی آپ (صلی اللہ علیہ وآلہ وسلم) کے پاس ٹھہرے، ایک نے مجلس میں خالی جگہ دیکھی ، وہاں بیٹھ گیا اور ایک ان کے پیچھے بیٹھ گیا۔ تیسرا چلا گیا۔ جب نبی (صلی اللہ علیہ وآلہ وسلم) فارغ ہوئے تو فرمایا : کیا میں تمہیں تین لوگوں کے گروہ کے بارے میں نہ بتاؤں۔ ایک نے اللہ کے طرف جگہ پکڑی تو اللہ نے اس کو جگہ دے دی۔ دوسرے نے اللہ سے حیا کی تو اللہ نے بھی اس سے حیا کی اور تیسرے نے اللہ سے اعراض کیا تو اللہ نے بھی اس سے اعراض کیا۔