(٥٩٥٨) ابوہریرہ (رض) اور ابو سعید (رض) فرماتے ہیں کہ انھوں نے رسول اللہ (صلی اللہ علیہ وآلہ وسلم) سے سنا : جس نے جمعہ کے دن غسل کیا ، مسواک کی اور خوشبو لگائی اگر پاس ہوئی۔ پھر عمدہ قسم کے کپڑے پہنے اور مسجد میں آیا ، پھر لوگوں کی گردنیں نہیں پھلانگی اور جتنی اللہ نے چاہی نماز پڑھی اور پھر نماز کے اختتام تک خاموش رہا تو پچھلے جمعہ سے لے کر اس جمعہ تک کے گناہ معاف کردیے جاتے ہیں اور ابوہریرہ (رض) فرماتے ہیں : تین دن مزید بھی کیونکہ اللہ ایک نیکی کا بدلہ دس گنا عطا فرماتے ہیں۔