(٥٩٨) (الف) عبد السلام بن حرب اسی سند سے بیان کرتے ہیں کہ رسول اللہ (صلی اللہ علیہ وآلہ وسلم) نے فرمایا : جو شخص بیٹھ کر یا کھڑا ہو کر یا سجدہ کی حالت میں میں سو جائے اس پر وضو نہیں ہے جب تک اپنا پہلو نہ رکھ دے (یعنی لیٹ جائے) جب اس نے اپنے پہلو رکھ دیے تو اس کے جوڑ ڈھیلے پڑگئے۔
(ب) سیدہ عائشہ (رض) فرماتی ہیں کہ نبی (صلی اللہ علیہ وآلہ وسلم) نے فرمایا : ” میری آنکھیں سوجاتی ہیں، لیکن میرا دل نہیں سوتا۔ “
(ب) امام ابو عیسیٰ ترمذی فرماتے ہیں کہ میں نے محمد بن اسماعیل بخاری (رح) سے اس حدیث کے متعلق پوچھا تو انھوں نے فرمایا : اس (حدیث) کی کوئی حقیقت نہیں۔
(ج) امام ابوداؤد فرماتے ہیں کہ راوی کا یہ کہنا الْوُضُوئُ عَلَی مَنْ نَامَ مُضْطَجِعًا منکر ہے۔
(د) امام ابوداؤد فرماتے ہیں کہ شعبہ نے ابو عالیہ سے چار احادیث سنی ہیں : حدیث یونس بن متی، حدیث ابن عمر غار کے متعلق، حدیث القضاۃ ثلاثۃ، حدیث ابن عباس لا صلوۃ بعد العصر۔ شیخ فرماتے ہیں کہ ابن عباس (رض) کی روایت کہ مصیبت کے وقت کیا پڑھا جائے اور سفر معراج میں موسیٰ (علیہ السلام) اور دوسرے انبیاء کی رؤیت وغیرہ کی روایت بھی۔