(٥٩٧٣) موسیٰ بن یسار ابوہریرہ (رض) سے نقل فرماتے ہیں کہ ایک عورت ان کے پاس سے گزری، اس سے خوشبو آرہی تھی۔ فرمانے لگے : اے جبار کی لونڈی ! تو مسجد کا ارادہ رکھتی ہے ؟ عرض کیا : ہاں ۔ فرمایا : اس لیے تو نے خوشبو لگائی ہے ؟ کہنے لگی : ہاں۔ فرمایا : واپس جاؤ اور غسل کرو۔ کیونکہ میں نے رسول اللہ (صلی اللہ علیہ وآلہ وسلم) سے سنا کہ جو عورت مسجد کی طرف جاتی ہے اور اس سے خوشبو آرہی ہو تو جب تک وہ واپس جا کر غسل نہ کرے گی ، اللہ اس کی نماز قبول نہ فرمائیں گے۔