(٥٩٩٣) اوس بن اوس فرماتے ہیں کہ رسول اللہ (صلی اللہ علیہ وآلہ وسلم) نے فرمایا : تمہارے ایام میں افضل دن جمعہ کا دن ہے؛ کیونکہ اس میں آدم (علیہ السلام) پیدا کیے گئے اور اسی میں ہی فوت ہوئے۔ اسی میں سور پھونگا جائے گا۔ اس میں بےہوشی ہوگی ۔ تم اس دن مجھ پر زیادہ درود پڑھا کرو؛ کیونکہ تمہارا درود مجھ پر پیش کیا جاتا ہے۔ صحابہ نے پوچھا : اے اللہ کے رسول ! ہمارا درود آپ (صلی اللہ علیہ وآلہ وسلم) پر کیسے پیش کیا جاتا ہے ؟ آپ (صلی اللہ علیہ وآلہ وسلم) تو بوسیدہ ہوجائیں گے۔ آپ (صلی اللہ علیہ وآلہ وسلم) نے فرمایا : اللہ نے انبیائ ۔ کے اجسام مٹی پر حرام کردیے ہیں۔ ابوعبداللہ دوسری روایت میں فرماتے ہیں کہ تمہارا سب سے بہترین دن جمعہ کا دن ہے۔