(٦٠٤٤) عبداللہ بن مسعود (رض) فرماتے ہیں کہ رسول اللہ (صلی اللہ علیہ وآلہ وسلم) نے ہمیں نماز خوف پڑھائی تو ہم نے دو صفیں بنائیں۔ ایک صف آپ (صلی اللہ علیہ وآلہ وسلم) کے پیچھے اور دوسری صف دشمن کے سامنے۔ رسول اللہ (صلی اللہ علیہ وآلہ وسلم) نے دونوں صفوں کے ساتھ تکبیر کہی۔ جو آپ (صلی اللہ علیہ وآلہ وسلم) کے پیچھے تھیں ، پھر آپ (صلی اللہ علیہ وآلہ وسلم) نے اس صف کو جو آپ (صلی اللہ علیہ وآلہ وسلم) کے پیچھے تھی ایک رکوع اور دو سجدے کروائے۔ پھر یہ اپنے دوسرے بھائیوں کی جگہ چلے گئے، دوسرے آئے اور آپ (صلی اللہ علیہ وآلہ وسلم) کے ساتھ مل گئے تو آپ (صلی اللہ علیہ وآلہ وسلم) نے ان کو ایک رکوع اور دو سجدے کروائے۔ پھر رسول اللہ (صلی اللہ علیہ وآلہ وسلم) نے سلام پھیرا اور وہ لوگ جو آپ (صلی اللہ علیہ وآلہ وسلم) کے پیچھے تھے ، انھوں نے ایک رکعت نماز پڑھی۔ پھر وہ اپنی صف میں چلے گئے۔ پھر دوسرے آئے انھوں نے ایک رکعت پڑھی۔ خصیف فرماتے ہیں کہ نبی (صلی اللہ علیہ وآلہ وسلم) دشمن اور قبلہ کے سامنے تھے۔ ثوری خصیف سے نقل فرماتے ہیں : ایک صف آپ (صلی اللہ علیہ وآلہ وسلم) کے پیچھے اور دوسری صف دشمن کے سامنے تھی اور تمام لوگ نماز میں ہی ہوتے تھے۔ شریک خصیف سے نقل فرماتے ہیں کہ آپ (صلی اللہ علیہ وآلہ وسلم) نے تکبیر کہی تو دونوں صفوں نے آپ (صلی اللہ علیہ وآلہ وسلم) کے ساتھ تکبیر کہی۔