(٦٠٨٠) ابو عثمان فرماتے ہیں کہ حضرت عمر (رض) نے ہمیں خط لکھا ، ہم آذر بائیجان میں تھے : اے عتبہ بن فرقد ! یہ نہ تیرے ماں باپ کی اور نہ تیری محنت سے حاصل ہوا ہے۔ تین مرتبہ فرمایا اور فرمایا : تم اپنی سواریوں کو مسلمانوں کی سواریوں مانند رکھو اور زیب وزینت سے بچو اور مشرکین کی مشابہت اور ریشمی لباس پہننے سے بچو؛ کیونکہ رسول اللہ (صلی اللہ علیہ وآلہ وسلم) نے ریشمی لباس پہننے سے منع کیا ہے ، صرف دو انگلیوں کی مقدار۔