(٦١١١) عبداللہ بن عمر (رض) فرماتے ہیں کہ حضرت عمر (رض) نے ایک دھاری دار ریشمی حلہ دیکھاتو آپ (صلی اللہ علیہ وآلہ وسلم) سے کہنے لگے : اے اللہ کے رسول ! آپ خرید لیں تو وفود اور جمعہ کے دن پہن لیا کریں۔ آپ (صلی اللہ علیہ وآلہ وسلم) نے فرمایا : اسے وہ پہنتا ہے جس کا آخرت میں کوئی حصہ نہیں ہے۔ اس کے بعد نبی (صلی اللہ علیہ وآلہ وسلم) نے ایک حلہ حضرت عمر (رض) کی طرف بھیجا تو کہنے لگے : اے اللہ کے رسول ! آپ (صلی اللہ علیہ وآلہ وسلم) نے مجھے وہ پہنایا ہے جس کے متعلق کل آپ نے (صلی اللہ علیہ وآلہ وسلم) یہ باتیں ارشاد فرمائی تھیں تو نبی (صلی اللہ علیہ وآلہ وسلم) نے فرمایا : میں نے بھیجا تھا تاکہ بیچ دو یا اپنی عورتوں کو پہنا دو ۔