(٦١١٧) حضرت علی (رض) قصہء بدر بیان فرماتے ہیں کہ عتبہ اس کا بھائی شیبہ اور ان کے بیٹے ولید نے مقابلہ کی دعوت دی تو انصار کے چند نوجوان نکلے ۔ عتبہ کہنے لگا : ہمیں تمہاری ضرورت نہیں ، ہم تو اپنے چچاؤں کے بیٹوں یعنی بنوعبد المطلب سے مقابلہ چاہتے ہیں تو نبی (صلی اللہ علیہ وآلہ وسلم) نے فرمایا : علی ، عبیدۃ اور حمزہ کھڑے ہو جاؤ۔ حضرت حمزہ (رض) اور عتبہ مد مقابل تھے۔ عبیدہ (رض) اور شیبہ ‘ علی (رض) اور ولید مد مقابل تھے۔ حضرت حمزہ نے عتبہ کو ہلاک کردیا، حضرت علی (رض) نے ولید کو اور عبیدہ نے شیبہ کو قتل کردیا۔ شیبہ نے حضرت عبیدہ (رض) کی ٹانگ کاٹ ڈالی تو ان کو حضرت حمزہ (رض) اور علی (رض) نے بچایا، یہاں تک کہ یہ یرقان کی بیماری میں فوت ہوئے۔ ابو اسحاق اپنے ساتھیوں سے اس قصہ کے بارے میں بیان فرماتے ہیں کہ عبیدہ (رض) عتبہ کے اور حمزہ (رض) شیبہ کے اور حضرت علی (رض) ولید کے مد مقابل تھے۔