(٦١٦٩) نافع ابن عمر (رض) سے نقل فرماتے ہیں کہ نبی (صلی اللہ علیہ وآلہ وسلم) جب بھی عید الفطر یا عید الاضحی کے دن عید گاہ کی طرف جاتے تو نیزہ آپ (صلی اللہ علیہ وآلہ وسلم) کے سامنے لایا جاتا، وہ عید گاہ میں گاڑ دیا جاتا۔ آپ (صلی اللہ علیہ وآلہ وسلم) اس کو سترہ بناتے۔ وہ خالی جگہ تھی، وہاں کوئی عمارت نہ تھی، جس کے ذریعہ سترہ بنا سکیں تو نبی (صلی اللہ علیہ وآلہ وسلم) نیزہ لانے کا حکم فرماتے تو آپ (صلی اللہ علیہ وآلہ وسلم) کے سامنے گاڑ دیا جاتا، اس کی طرف منہ کر کے نماز پڑھتے۔