(٦١٩٩) ابن عباس (رض) فرماتے ہیں کہ میں ، رسول اللہ (صلی اللہ علیہ وآلہ وسلم) ‘ ابوبکر (رض) ‘ عمر (رض) اور عثمان (رض) کے ساتھ عید میں حاضر ہوا۔ یہ تمام حضرات خطبہ سے پہلے نماز پڑھا کرتے تھے، پھر خطبہ ارشاد فرماتے۔ فرماتے ہیں کہ نبی (صلی اللہ علیہ وآلہ وسلم) منبر سے اترے اور مردوں کو اپنے ہاتھ کے اشارے سے بٹھا رہے تھے۔ پھر ان کے درمیان سے عورتوں کے پاس آئے اور آپ (صلی اللہ علیہ وآلہ وسلم) کے ساتھ حضرت بلال (رض) تھے۔ آپ (صلی اللہ علیہ وآلہ وسلم) نے فرمایا : { یَا أَیُّہَا النَّبِیُّ إِذَا جَائَ کَ الْمُؤْمِنَاتُ یُبَایِعْنَکَ } [الممتحنۃ : ١٢] اے نبی ! جب آپ (صلی اللہ علیہ وآلہ وسلم) کے پاس مومنہ عورتیں آئیں وہ آپ (صلی اللہ علیہ وآلہ وسلم) کی بیعت کریں۔ پھر جب آپ (صلی اللہ علیہ وآلہ وسلم) ان سے فارغ ہوئے تو فرمایا : تم اسی طرح رہنا تو ایک عورت نے کہا ، اس کے علاوہ کسی نے جواب نہیں دیا۔ جی ہاں، اے اللہ کے نبی !۔