(٦٢٢٠) جابر بن عبداللہ (رض) فرماتے ہیں کہ وہ عید کے دن نبی (صلی اللہ علیہ وآلہ وسلم) کے ساتھ حاضر تھے ۔ نبی (صلی اللہ علیہ وآلہ وسلم) نے خطبہ سے پہلے نماز بغیر اذان اور اقامت کے پڑھائی۔ پھر آپ (صلی اللہ علیہ وآلہ وسلم) بلال (رض) پر ٹیک لگا کر کھڑے ہوئے اور لوگوں کو خطبہ ارشاد فرمایا، اللہ کی حمد وثنا بیان کی اور ان کو وعظ و نصیحت کی ۔ اسی طرح بلال (رض) پر ٹیک لگائے ہوئے بھی آپ (صلی اللہ علیہ وآلہ وسلم) عورتوں کے پاس آئے اور ان کو وعظ و نصیحت کی اور فرمایا : تم صدقہ کیا کرو؛ کیونکہ تمہاری اکثریت جہنم کا ایندھن ہے تو ایک ادنیٰ درجہ کی عورت سیاہ رخساروں والی کھڑی ہوئی اور کہنے لگی : اے اللہ کے رسول ! کیوں ؟ آپ (صلی اللہ علیہ وآلہ وسلم) نے فرمایا : تم بہت زیادہ شکوہ کرتی ہو اور خاوندوں کی ناشکری۔ عورتیں اپنی انگوٹھیاں ‘ ہار ‘ اور بالیاں اتارناشروع ہوئیں اور حضرت بلال (رض) کو صدقہ کے طور پردے رہی تھیں۔