(٦٣١٨) عبید بن عمیر فرماتے ہیں کہ حضرت عائشہ (رض) فرماتی ہیں : جب نبی (صلی اللہ علیہ وآلہ وسلم) کے دور میں سورج گرہن ہوگیا تو آپ (صلی اللہ علیہ وآلہ وسلم) نے لمبا قیام کیا۔ آپ (صلی اللہ علیہ وآلہ وسلم) کھڑے ہوئے ۔ پھر رکوع فرمایا۔ پھر کھڑے ہوئے۔ پھر رکوع فرمایا۔ پھر کھڑے ہوئے۔ پھر آپ (صلی اللہ علیہ وآلہ وسلم) نے دو رکعات پڑھیں اور تین رکوع اور چار سجدے کیے ۔ پھر سلام پھیرا اور سورج روشن ہوچکا تھا ۔ جب آپ رکوع کرتے تو فرماتے : اللہ اکبر، پھر رکوع کرتے اور جب رکوع سے سر اٹھاتے تو فرماتے : سَمِعَ اللَّہُ لِمَنْ حَمِدَہُ ۔ پھر آپ (صلی اللہ علیہ وآلہ وسلم) کھڑے ہوئے اور اللہ کی حمد وثنا بیان کی۔ پھر فرمایا : سورج اور چاند کو گرہن کسی کی موت یا زندگی کی وجہ سے نہیں ہوتا بلکہ یہ اللہ کی نشانیاں ہے جن کے ذریعہ اللہ رب العزت ڈراتے ہیں۔ جب تم گرہن کو دیکھو تو اللہ کا ذکر کیا کرو یہاں تک کہ وہ روشن ہوجائے۔