(٦٣٢٣) (الف) طاؤس ابن عباس (رض) سے نقل فرماتے ہیں کہ نبی (صلی اللہ علیہ وآلہ وسلم) نے نمازِ کسوف پڑھائی۔ آپ (صلی اللہ علیہ وآلہ وسلم) نے قرأت کی۔ پھر رکوع کیا، پھر قرأت کی ، پھر رکوع کیا۔ پھر قرأت کی۔ پھر رکوع کیا۔ پھر قرأت کی۔ پھر رکوع کیا ‘ پھر سجدہ کیا اور دوسری رکعت میں بھی ایسا ہی کیا۔
(ب) کثیر بن عباس حضرت ابن عباس (رض) سے نقل فرماتے ہیں کہ نبی (صلی اللہ علیہ وآلہ وسلم) نے ان کو دو رکعت نماز پڑھائی اور ہر رکعت میں دو رکوع کیے۔
(ج) طاؤس ابن عباس سے ان کا عملنقل فرماتے ہیں کہ انھوں نے نماز میں چھ رکوع اور چار سجدے کیے۔ لیکن سر اٹھانے اور تعداد میں اختلاف ہے۔