(٦٣٦٣) ابو موسیٰ (رض) فرماتے ہیں کہ نبی (صلی اللہ علیہ وآلہ وسلم) کے زمانے میں سورج گرہن ہوا۔ آپ (صلی اللہ علیہ وآلہ وسلم) گھبرا کر اٹھے۔ آپ (صلی اللہ علیہ وآلہ وسلم) ڈر رہے تھے کہ کہیں قیامت ہی قائم نہ ہوجائے۔ آپ (صلی اللہ علیہ وآلہ وسلم) مسجد میں آئے اور لمبے قیام، رکوع اور سجود والی نماز پڑھائی۔ میں نے آپ (صلی اللہ علیہ وآلہ وسلم) کو نہیں دیکھا کہ آپ نے ایسا کبھی نماز میں کیا ہو۔ پھر آپ (صلی اللہ علیہ وآلہ وسلم) نے فرمایا : یہ اللہ کی نشانیاں ہیں ، یہ کسی کی موت اور زندگی کی وجہ سے ظہور پزیر نہیں ہوتیں۔ لیکن اللہ ان کو اس لیے بھیجتا ہے کہ ان کے ذریعے وہ اپنے بندوں کو ڈرائے۔ جب تم اس میں سے کوئی چیز دیکھو تو تم اللہ کے ذکر اور اس سے دعا و استغفار میں جلدی کرو۔