(٦٤٠٦) حضرت طلحہ بن عبداللہ بن عوف سے روایت ہے کہ میں نے ابن عباس (رض) سے صلوٰۃ الاستسقاء کا طریقہ پوچھاتو انھوں نے کہا : عید کے طریقے کی طرح ہے ، رسول اللہ (صلی اللہ علیہ وآلہ وسلم) نکلے بارش طلب کر رہے تھے ۔ آپ نے دو رکعتیں پڑھائیں بغیر اذان و اقامت کے اور ان میں بارہ (١٢) تکبیرات کہیں، سات پہلی میں اور پانچ دوسری میں اور جہری قرأت کی ۔ پھر آپ (صلی اللہ علیہ وآلہ وسلم) پلٹے اور خطبہ دیا۔ پھر قبلے کی طرف منہ کیا اپنی چادر کو پلٹا اور بارش کی دعا کی۔