(٦٤٥) سیدنا طلق بن علی (رض) فرماتے ہیں کہ ہم وفد کی شکل میں نبی (صلی اللہ علیہ وآلہ وسلم) کے پاس آئے، ہم نے آپ (صلی اللہ علیہ وآلہ وسلم) کی بیعت کی اور آپ کے ساتھ نماز پڑھی، ایک دیہاتی شخص آیا ۔ اس نے عرض کیا : اے اللہ کے رسول ! جو شخص وضو کرنے کے بعد اپنی شرمگاہ کو چھو لیتا ہے اس کے بارے میں آپ کا کیا خیال ہے ؟ آپ (صلی اللہ علیہ وآلہ وسلم) نے فرمایا : ” وہ تو اس کے جسم کا ایک حصہ یا ٹکڑا ہے۔ “ (ب) شیخ کہتے ہیں کہ محمد بن جابر یمامی اور ایوب بن عتبہ قیس بن طلق سے روایت کرتے ہیں اور دونوں ضعیف ہیں۔