(٦٤٤٩) حضرت انس بن مالک بیان کرتے ہیں : دیہاتیوں میں سے ایک آدمی رسول اللہ (صلی اللہ علیہ وآلہ وسلم) کے پاس جمعہ کے دن آیا اور اس نے کہا : اے اللہ کے رسول ! جانور ہلاک ہوگئے، اہل و عیال اور عام لوگ ہلاک ہوگئے ہیں تو رسول اللہ دعا کیلئے اپنے ہاتھ اٹھائے اور آپ (صلی اللہ علیہ وآلہ وسلم) کے ساتھ لوگوں نے بھی ہاتھ اٹھائے اور انھوں نے بھی دعا کی۔ انس (رض) کہتے ہیں کہ ابھی ہم مسجد سے نہیں نکلے تھے کہ ہمیں بارش نے آلیا اور دوسرے جمعہ تک بارش ہوتی رہی۔ پھر وہی آدمی رسول اللہ (صلی اللہ علیہ وآلہ وسلم) کے پاس آیا اور اس نے کہا : اے اللہ کے رسول ! مسافر کیچڑ میں پھنس گئے ہیں اور راستے مسدود ہوچکے ہیں۔